سؤال محرج جدا بس جاوبا بصراحة

فى
بعض الاحيان لما بنقبل على علاقة ارتباط قوية او بعنى اصح رسمية بنلائى
اول سؤال بيتسال من البنت او الشاب بس بيختلف فى الصيغة نفسها.
يعنى مثلا البنت تسال عرفت كام واحدة قبلى او الشاب يسال انتى كان فى حد فحياتك قبلى.
بنبص نلائى مثلا البنت تقول للولد انا ماليش دعوة باللى قبل كدة المهم اللى بعد كدة بتاعى انا.
واحيانا
نلاقى بنات تغضب او بعض الاحيان فى اقل خناقة مابينهم تفكرو بماضيه.نيجى
بقا عند الشباب لو مثلا الاجابة كانت اه انا كنت بحب واحد قبليك نلاقى
الولد عمال يفكر الف مليون مرة انو يرتبط بيها حتى لو كان كل يوم يسمعها
قصيدة شعر فى جمالها وحبو ليها او لو فكر مثلا يخطبها بيحصل نفس الكلام لو
اتخنقو يفكرها بحبيب القلب بتاع زمان .
ما اكذبش عليكم انا عن نفسى احب
ارتبط بشاب مالهوش سوابق او على الاقل يكون مخلص لكن لما بفكر بلاقى انى
دى حاجة ولا فى الاحلام.طيب تفتكرو انتو ايه رايكم فى الموضوع دة .
وهلى هو بيحصل حقيقى ولا لاء.مستنية ردكم لانى فعلن محتارة.
يعنى
انتو يا شباب توافقو على البنت اللى كان ليها حب قديم فى حياتها؟وانتو يا
بنات توافقو على الشاب اللى ليه سوابق قبل كدة فى علاقات